ჩვენ შესული ვართ პიკში, ყოველდღიურად გვაქვს 3-4 ათასი შემთხვევა. დღეს რომ 3 216 შემთხვევაა, იმას ნიშნავს, რომ შაბათ-კვირას ნაკლები გამოკვლევა ჩატარდა, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
მისი თქმით, თუ რამდენ ხანს გაგრძელდება პიკი, ეს დამოკიდებულია რამდენიმე ფაქტორზე.
„მათ შორის, როგორ დავიცავთ ჩვენ იმ რეგულაციებს, რომლებიც დაწესებულია. ვფიქრობთ, რომ შესაძლებელია შემთხვევების ცოტა კიდევ ზრდა, მაგრამ დაახლოებით ამ ფარგლებში უნდა ვიყოთ“, – აღნიშნა ამირან გამყრელიძემ.
