საქართველოს კულტურისა და ძეგლთა დაცვის მინისტრი გურამ ოდიშარია, მინისტრის პირველი მოადგილე მარინე მიზანდარი და მინისტრის აპარატის უფროსი ლევან ხარატიშვილი სამუშაო ვიზიტით პოლონეთის დედაქალაქ ვარშავას ესტუმრნენ.
გუშინ კულტურის სამინისტროს დელეგაციამ მოინახულა ადგილობრივი კულტურული მემკვიდრეობების ძეგლები, კერძოდ, თანამედროვე ხელოვნების ცენტრის-უიაზდოვსკის ციხე-სიმაგრე, ლაზიენკის სამეფო სასახლე, ვარშავის აჯანყების მუზეუმი, ქართველი ჯარისკაცების მონუმენტი.
ვიზიტის ფარგლებში კულტურის სამინისტროს დელეგაცია შეხვედრებს გამართავს პოლონეთის კულტურისა და ეროვნული მემკვიდრეობის მინისტრთან ბოგდან ზდროჟევსკისთან, კულტურისა და ეროვნული მემკვიდრეობის სამინისტროს გენერალურ დირექტორთან იაცეკ ოლბრიჰტი და სხვა ადგილობრივ ოფიციალურ პირებთან.
ვიზიტი ხელს შეუწყობს ორმხრივი ურთიერთობის გაღრმავებას, გამოცდილების გაზიარებას და პოლონური კულტურის გაცნობას.
03.10.13
