ვატიკანი, ოფიციალურად, ვატიკანის ქალაქ-სახელმწიფო, სუვერენული სახელმწიფოა, რომელიც წარმოადგენს კედლებშემორტყმულ ანკლავს რომში, იტალიის დედაქალაქში. მას ზღვაზე გასასვლელი არ აქვს. მისი მთლიანი ფართობი დაახლოებით 44 ჰექტარია, მოსახლეობა კი 800 ადამიანზე ცოტა მეტი. იგი რომის პაპის რეზიდენციასა და კათოლიკური ეკლესიის ცენტრს წარმოადგენს
ვატიკანის ქალაქ-სახელმწიფო ჩამოყალიბდა 1929 წელს ლატერანის ხელშეკრულების შედეგად. ვატიკანი განსხვავებულია წმინდა ეპარქიისგან, რომლის საფუძვლები ადრეული ქრისტიანობის ხანას უკავშირდება და მსოფლიოს 1,147 მილიარი კათოლიკე ქრისტიანისთვის მთავარს ეპარქიას წარმოადგენს. ვატიკანსა და წმინდა ეპარქიას პასპორტების კი განსხვავებული აქვთ.
ლატერანის ხელშეკრულება ვატიკანს არა როგორც პაპის ოლქის გადმონაშტს, არამედ როგორც ინოვაციას განიხილავდა. ვატიკანი გახლავთ თეოკრატიული სახელმწიფო, რომელსაც რომის ეპისკოპოსი, ანუ რომის პაპი, მართავს. ამ სახელმწიფოს ყველა მაღალი რანგის ოფიციალური პირი არის კათოლიკე სამღვდელოების სხვადასხვა ეროვნების წევრი. ვატიკანი არის წმინდა ეპარქიის სუვერენული ტერიტორია და პაპის ოფიციალური რეზიდენციის-აპოსტოლური სასახლის ადგილი
ვატიკანის პოზიციასა და როლს მსოფლიოში განსაზღვრავს ის ,რომ იგი წარმოადგენს კათოლიციზმის მსოფლიო ცენტრს. მას ექვემდებარება კათოლიკური ორგანიზაციები მსოფლიოს მასშტაბით, მათ შორის, კათოლიკური სკოლები, კათოლიკური მედია და სხვა. აღსანიშნავია ის ფაქტიც, რომ ვატიკანი ფლობს საკუთარ ტელევიზიას-„ვატიკანის სატელევიზიო ცენტრი“
მასალა მოამზადა: თორნიკე ყრუაშვილმა.
