ჩვენს ქვეყანას მრავალსაუკუნოვანი ისტორია აქვს – ეს ნიშნავს იმას, რომ მან არაერთი გამორჩეული ქალაქი „შექმნა“. დაწყებული დედაქალაქით და დამთავრებული აღმოსავლეთ თუ დასავლეთ საქართველოთი, თითოეული მათგანი განსაკუთრებულია საკუთარი წარსულითა და დატვირთვით. მათ შორის, არსებობს ადგილები/ქალაქები, რომელთაც კონკრეტული მახასიათებლებით გამოვარჩევთ.
ასე, მაგალითად
მცხეთა ერთერთი უძველესი ქალაქია არა მხოლოდ საქართველოს, არამედ – მთელი მსოფლიოს მასშტაბით. მას ჩვენი ქვეყნისთვის უდიდესი ეროვნული დატვირთვა აქვს და მის ისტორიაშიც, შეიძლება ითქვას, მთავარ მოვლენებს წერს. მცხეთას ძალზე ბევრი ისტორიული მოვლენა აქვს გადატანილი – სწორედ ეს ქმნის 21-ე საუკუნის რეალობას, რომელშიც ის ტურისტებისთვის გამორჩეული ადგილია.
თბილისში საქართველოს მოსახლეობის ძირითადი ნაწილი ცხოვრობს. ცხადია, ეს ტენდენცია მის სტატუსს უკავშირდება – დედაქალაქში თავმოყრილია არსებითი მნიშვნელობის შენობები, გასართობი თუ შემეცნებითი დაწესებულებები და ა.შ.
გარდა ამ მახასიათებლისა, თბილისი საქართველოს ყველაზე დიდი ქალაქიცაა ფართობის მიხედვით. მისი ფართობია 720 კმ².
შეიძლება ითქვას, რომ ბათუმი საქართველოს ყველაზე თანამედროვე ქალაქად არის მიჩნეული. ნებისმიერ სეზონზე, ის გამორჩეულად მოთხოვნადია – ფერადი, ხმაურიანი, კაშკაშა და საინტერესო. ამ ქალაქში შენობები საინტერესო და თანამედროვე დიზაინით გამოირჩევა, რაც მიმზიდველს ხდის უცხოეული დამსვენებლებისთვის.
ბაკურიანი ჩვენს ქვეყანაში ზამთრის ყველაზე პოპულარული კურორტია. შესაბამისად, სეზონზე მის მიმართ ინტერესი და მოთხოვნა უზომოდ დიდია. აქ არსებობს ყველა პირობა, რომ დამსვენებლებმა ძალიან კარგად დაისვენონ და განიტვირთონ.
ბორჯომის გოგირდოვანი აუზი – ის, რასაც მუდამ სტუმრობენ. ბორჯომი ლაშქრობისთვის განსაკუთრებულად მიმზიდველი ლოკაციაა. აქვს დიდი ისტორია და ახასიათებს არაერთო ისტორიული თუ კულტურული ძეგლი. ის ერთერთი გამორჩეული კურორტია და, ამავდროულად, სასარგებლო და სასიამოვნო.
მასალა მოამზადა : მარიამ ტიელიძემ