საქართველო მუდამ ამაყობს საკუთარი გეოგრაფიული ობიეტებით. თითოეულ მათგანს საკუთარი უნიკალური ისტორია აქვს. მსოფლიო დაინტერესებულია მათი განსაკუთრებულობით.
ამასთან, ზოგიერთი მათგანი კონკრეტული მახასიათებლითაა გამორჩეული სამყაროში
ანუ მსოფლიოში ყველაზე, ყველაზე…
პატარა მუზეუმი სწორედ ჩვენს ქვეყანაში მდებარეობს. მისი ფართობი 6 კვადრატული მეტრია. ეს არის სწორედ ის ადგილი, სადაც გენიალურმა მხატვარმა, ნიკო ფიროსმანმა საკუთარი სიცოცხლის უკანასკნელი წლები გაატარა. ალბათ, ყველა ქართველმა შესანიშნავად იცის ფიროსმანის ცხოვრების შესახებ. ის საკმაოდ გაჭირვებულად ცხოვრობდა. სწორედ ისეა მისი საცხოვრებლის სახე შემორჩენილი, როგორც მხატვრის სიცოცხლეში გამოიყურებოდა.
მიუხედავად მისი უბადლო ნიჭისა, მას დალხენილი ცხოვრება არ ჰქონია. პირიქით, ლუკმა პურისთვის ბევრს შრომობდა. მეტი და მეტი დაფასება ხალხისგან მას მხოლოდ გარდაცვალების შემდგომ ერგო.
ფიროსმანის მუზეუმი 2008 წლიდან კულტურული მემკვიდრეობის დაცვის ეროვნული სააგენტოს შემადგენლობაშია. ის მდებარეობს ფიროსმანის ქუჩის N29-ში.
მიჩნეულია, რომ მსოფლიოში ყველაზე ღრმა მღვიმე კრუბერის მღვიმეა და ის სწორედ საქართველოში, აფხაზეთში მდებარეობს. მისი სიგრძე 2191 მეტრია. ის სტალაქტიდებითა და სტალაგმიტებით ხასიათდება.
აღნიშნული სტატუსი მღვიმეს 2001 წელს მიენიჭა. მთელი მსოფლიო, მედია და მეცნიერული გამოცემები საუბრობენ, შეისწავლიან და დაინტერესებულები არიან კრუბერის მღვიმის მახასიათებლებით.
მსოფლიოში მიიჩნევენ, რომ პლანეტაზე ყველაზე პატარა მდინარე საქართველოში მიედინება. მას რეპრუა ჰქვია და მისი არსებობის შესახებ არცთუ ისე ბევრმა ქართველმა იცის. აღნიშნული გეოგრაფიული ობიექტიც აფხაზეთში მდებარეობს. მისი სიგრძე მხოლოდ 30 მეტრია.
მასალა მოამზადა : მარიამ ტიელიძემ
