გავრცელებული ინფორმაციის თანახმად, თეთრმა სახლმა და ამერიკის კონგრესის დაზვერვის კომიტეტმა ამერიკის ეროვნული უსაფრთხოების სამსახურის ყოფილ აგენტს, სისტემის ანალიტიკოსს, ედვარდ სნოუდენს შეწყალების თხოვნაზე უარი განუცხადეს.
თეთრი სახლის კომუნიკაციების დირექტორმა დენ პფაიფერმა ერთ-ერთ სატელევიზო პროგრამაში მონაწილეობისას განაცხადა, რომ სნოუდენის შეწყალების საკითხის მსგავსი წინადადება დღის წესრიგში არ დგას. პფაიფერის განცხადებით, სნოუდენი საჭიროა აშშ-ში დაბრუნდეს და საიდუმლო დოკუმენტაციის გამჟღავნების მსგავსი ბრალდებებით გასამართლდეს.
კომიტეტის ხელმძღვანელებიდან მიჩიგანის შტატის რესპუბლიკელმა პარლამენტარმა მიკ როჯერსმა სნოუდენის შეწყალება ”საშინელ იდეად” შეაფასა.
დემოკრატიული პარტიიდან კალიფორნიის სენატორმა დაიან ფაინშტაინმა კი აღნიშნა, რომ სნოუდენმა კომიტეტს სპეციალურად უნდა შეატყობინოს ახალ საქმიანობებზე და დაამატა, რომ სნოუდენმა კანონები დაარღვია.
სისტემის ყოფილი ანალიტიკოსის სნოუდენის მიერ პრესისათვის გამჟღავნებულ კომუნტებში ჩანს, რომ ამერიკის დაზვერვა მსოფლიოს მაშტაბით ინფორმაციის ტრაფიკს უთვალთვალებს. შეგახსენებთ, რომ რუსეთმა სნოუდენს 1 აგვისტოს 1 წლის ვადით მისცა თაშესაფარი.
05.11.13