“პუტინის მიერ რუსეთის ბირთვული ძალების განსაკუთრებულ რეჟიმზე გადაყვანა იმ რეალობას მოწყვეტაა, რომელიც უკრაინაშია” – ამის შესახებ დიდი ბრიტანეთის პრემიერი ბორის ჯონსონი საუბრობს. ინფორმაციას BBC ავრცელებს და წერს, რომ მან უკრაინელები ბრძოლისთვის შეაქო და აღნიშნა, რომ “კრემლი ასეთ წინააღმდეგობას არ ელოდა”.
მისივე თქმით, “ის, რაც ახლა ევროპის კონტინენტზე ხდება, აბსოლუტური კატასტროფაა”.
ბორის ჯონსონმა 28 თებერვალს დაგეგმილ, რუსეთ-უკრაინის დელეგაციების შეხვედრაზეც ისაუბრა:
“თუ მას უნდა გაჩერება, თუ მას უნდა უკან დახევა, თუ მას უნდა მოლაპარაკება, ეს ძალიან კარგია. მე მაქვს ეჭვები და უნდა გითხრათ – მის საქციელში არაფერი მინახავს ისეთი, რაც მაფიქრებინებს, რომ შეიძლება გულწრფელი იყოს” – განაცხადა ჯონსონმა.
