მილიარდერი ოლეგ დერიპასკა რუსეთის დედაქალაქის ციმბირში გადატანის ინიციატივით გამოდის. ამის შესახებ მან კრასნოიარსკში გამართულ ეკონომიკურ ფორუმზე განაცხადა.
მანამდე დერიპასკა ამბობდა, რომ რუსეთს სულ მცირე სამწლიანი უმძიმესი კრიზისი ელის უკრაინაში განვითარებული მოვლენების გამო. მისი თქმით, სამ კვირაში გაირკვევა, რა მდგომარეობაში აღმოჩნდებიან რუსული ბანკები დასავლეთის მიერ დაწესებული სანქციების შედეგად.
„ადრეც ვამბობდი, რომ რუსეთის ინტერესები სამომავლოდ აზიაშია. აქ ჩვენ გვერდითაა ეკონომიკა, ჩინეთი, რომელსაც გაცილებით მეტი ფული მოაქვს, ვიდრე ევროპას. მაგრამ ეს ჩვენი დაჟინება დასავლეთზე… თუ არ ვუნდივართ, უნდა დავივიწყოთ“, – განაცხადა დერიპასკამ.
