“ვაინ სფეის” – ბუნებასთან სიახლოვე, მშვიდი და ავთენტური გარემო რაჭაში

ბუნებასთან სიახლოვე დღეს ადამიანებისთვის, უბრალოდ, ძალიან დიდ მოთხოვნილებად არის ქცეული. ჩვენს გვაქვს სურვილი, ვეძიოთ საოცარი ხედები, დავტკბეთ ულამაზესი პეიზაჟებით და ვიგრძნოთ, რომ სამყაროს ნაწილი ვართ. ბუტიკ სასტუმრო და გლემფინგი – ,,ვაინ სფეისი’’ სტუმრებს აქტიურად 2019 წლიდან მასპინძლობს. მომხმარებლის მიმართ შეთავაზებული არაერთი სერვისის ფონზე, აქ სტუმრობა განსაკუთრებულად საინტერესოა. “თბილისი თაიმსს” ,,ვაინ სფეისის’’ დამფუძნებელი, მარიამ მარგიანი ესაუბრა.
 
დეტალურად, სად მდებარეობს “ვაინ სფეისი”?

 
“ვაინ სფეისი” მდებარეობს რაჭაში, ამბროლაურის რაიონში, ხვანჭკარის ულამაზეს მიკროზონაში, სოფელ სადმელში.
 
რა სერვისებს სთავაზობს ის მომხმარებლებს?
 
მრავალსაუკუნოვანი ღია მარანი, 100 წლის შენობა, რომელიც რენოვაციის შემდეგ იქცა თანამედროვე და კომფორტულ სასტუმროდ  უნიკალური და დახვეწილი დიზაინით, გლამურული კემპინგი-გლემფინგი; საკუთარი წარმოების სხვადასხვა სახის პრემიუმ ხარისხის ღვინო; ღვინის ბაზაზე დამზადებული კოქტეილიები; ღვინის ნაყინი; ქართული და ევროპული  სამზარეულო ,,ვაინ სფეისის’’ მიერ  შექმნილი განსხვავებული რეცეპტებით; სადეგუსტაციო ტურები (ღვინის, ქართული კერძების) საფეხმავლო ტურები; რთველში ყურძნის კრეფა და სხვა – არის ის, რასაც ამჟამად სთავაზობს ვიზიტორებს ,,ვაინ სფეისი’’

 
სულ მალე კი – დაემატება რაჭაში პირველი კონცეპტ რესტორანი, ღვინის ბარი, ღია კინოთაეტრი და ჯაკუზები. ,,ვაინ სფეისი’’ მუდმივად ზრუნავს განვითარებასა და სტუმრებისთის საინტერესო სიახლების შეთავაზებაზე.
 
 
უმეტესად, ვინ და რა მიზნით სტუმრობს სასტუმროს?
 

,,ვაინ სფეისს’’ სხვადასხვა სეგმენტის ვიზიტორები სტუმრობენ, ძირითადად – ევროპის ქვეყნებიდან, ოჯახები, მეგობრები, წყვილები.
 
ბუნებასთან სიახლოვე, მშვიდი და ავთენტური გარემო,  კომფორტი, პრემიუმ ხასისხის ღვინოები, უგემრიელესი კერძები და ულამაზესი ხედი არის ის ძირითადი მოტივი, რის გამოც “ვაინ სფეისს” სტუმრობენ
 
 
ნებისმიერ სეზონზეა სტუმრობა შესაძლებელი?
 
,,ვაინ სფეისი’’ სტუმრებს ყველა სეზონზე მასპინძლობს და ყველა სეზონს გამორჩეულად ხვდება, განსაკუთრებით დატვირთულია ზაფხულსა და შემოდგომის პერიოდში და თუკი ზაფხულში სტუმრებს ღვინის ნაყინითა და უგემრიელესი კოქტეილებით ხვდება, ზამთარში ბუხრით და განსაკუთრებული სიმყუდროვით ეგებება.