“რა სარგებელს მიიღებს ესა თუ ის ქვეყანა იმ შემთხვევაში, თუ ის ევროკავშირის წევრობის კანდიდატის სტატუსს მიიღებს, რა თქმა უნდა, ამასთან დაკავშირებით კონკრეტული რიცხვები არ არსებობს. ეს არის დამოკიდებული ქვეყნის ეკონომიკურ მდგომარეობაზე და ა.შ. მაგრამ ცალსახად ფაქტია, რომ ევროკავშირთან დაახლოება, წევრობის კანდიდატის სტატუსის მიღება დადებითად აისახება ქვეყნის საინვესტიციო გარემოზე, მათ შორის. ევროკავშირს აქვს მრავალმილიარდიანი ფონდი, რომელიც კანდიდატ ქვეყნდებს ეხმარება იმ რეფორმების გატარებაში, რომლებიც აუცილებელია ევროკავშირში გადაწევრიანებლად. შესაბამისად, გზა გვეხსნება საკმაოდ დიდი ფინანსური რესურსისკენ, რომლის მოზიდვაც შესაძლებელია როგორც სამთავრობო ხაზით, ასევე, კერძო ინვესტიციების სახით”, – ამის შესახებ “საზოგადოება და ბანკების” დამფუძნებელმა, გიორგი კეპულაძემ “თბილისი თაიმსთან” საუბრისას განაცხადა.
როგორც კეპულაძემ აღნიშნა, დღეს არჩევანი ასეთია – “ან გავხდებით ევროკავშირის წევრობის კანდიდატი ან, სამწუხაროდ, მართლა შეიძლება, ვიქცეთ რუსეთის “უკანა ეზოდ” და სახელმწიფოდ, რომელმაც ბოლო 100 წელიწადში ვერ მოახერხა რეალური წინსვლა ევროკავშირისკენ”.
“ეკონომიკური თვალსაზრისით ასევე მნიშვნელოვანია, რომ ის ინვესტიციები და ის დამატებითი დახმარება, რომელიც წამოვა ევროკავშირისგან, მოხმარდება ჩვენი განათლების, ჯანდაცვის რეფორმირებას. რა თქმა უნდა, საბოლოოდ, ეს ყველაფერი აისახება ჩვენი მოქალაქეების ჯიბეზე. ქვეყანა, რომელიც ევროკავშირის წევრობის კანდიდატის სტატუსის მატარებელია, გაცილებით მიმზიდველია ინვესტორებისთვის და მათთვის უსაფრთხოა თანხების დაბანდება”, – განაცხადა გიორგი კეპულაძემ.
