“იშვიათად სუფთა სულის სასულიერო პირი იყო. არ უყვარდა ფული, არ უყვარდა დოვლათი, არ უყვარდა ინტრიგები” – რას წერს ირაკლი ვაჩიბერაძე გელათის ტაძრის წინამძღვარზე?

ჟურნალისტი, ირაკლი ვაჩიბერაძე სოციალურ ქსელში წერს, რომ გელათის ტაძრის წინამძღვარი, მამა იოსებ ბურჯანაძე იშვიათად სუფთა სულის სასულიერო პირი იყო.

“ჩაგეწერები, ოღონდ ჯერ ილოცე ჩემთან ერთადო, ისე შენც გამოგადგებაო”- იუმორით მითხრა მამა იოსებ ბურჯანაძემ და მეტანიები გამაკეთებინა. მერე დაპირებული სიტყვა შეასრულა და კომენტარი მომცა.

იშვიათად სუფთა სულის სასულიერო პირი იყო. არ უყვარდა ფული, არ უყვარდა დოვლათი, არ უყვარდა ინტრიგები, მხოლოდ რწმენა და ღმერთის სიყვარული. ძალიან გული დამწყდა.

ცნობისთვის, გელათის ტაძრის წინამძღვარი, მამა იოსებ ბურჯანაძე, რომელამაც დამწვრობა ორი კვირის წინ კელიაში გაჩენილი ხანძრის შედეგად მიიღო, გარდაიცვალა.