„რადიო თავისუფლების“ ევროპის ბიუროს რედაქტორი რიკარდ იოზვიაკი აცხადებს, რომ უნგრეთი ევროკავშირში უკრაინის გაწევრიანებას იმ შემთხვევაში დაუჭერს მხარს, თუ ევროკავშირის სხვა ქვეყნები საქართველოსთვის კანდიდატის სტატუსის მინიჭებას დათანხმდებიან. ამის შესახებ იოზვიაკი ევროკავშირის ანონიმ წყაროზე დაყრდნობით წერს.
მისი თქმით, საქართველოს კანდიდატის სტატუსზე კონსენსუსის მიღწევა, რთული იქნება. იაზვიაკი ყურადღებას ამახვილებს პოლიტიკურ პოლარიზაციაზე, ლგბტ უფლებებსა და იუსტიციის საბჭოს არამოსამართლე წევრების დანიშვნის საკითხზე.
იოზვიაკი ასევე აცხადებს, რომ ნიკა გვარამიას შეწყალება ის პროგრესია, რასაც ევროკომისია მედიაპლურალიზმის მხრივ ითხოვს და მის საქმეს პოლიტიკურად მოტივირებულს უწოდებს.
როგორც იოზვიაკი ამბობს, ყველაფრის გათვალისწინებით, სამ ქვეყანას შორის მოლდოვამ, შესაძლოა, საუკეთესო შედეგი აჩვენოს რეკომენდაციების შესრულების მხრივ.
