სამხრეთ სუდანში ომის დაწყების შიში იზრდება. ქვეყანაში ასობით ადამიანი ეწირება მიმდინარე შეტაკებებს. სახელმწიფოს მეთაურმა სალვა კიირმა გავრცელებულ საშობაო წერილში ქვეყანაში დინკასა და ნუერის საგვარეულოებს შეტაკებების დასრულებისაკენ და პრობლემის მშვიდობიანი გზით მოგვარებისაკენ მოუწოდა. კიირის განცხადებით, უდანაშაულო ადამიანების იმის გამო მკვლელობა, რომ ისინი ამა თუ იმ საგვარეულოს ეკუთვნიან, მიუღებელია. სამხრეთ სუდანში შეტაკებები ამჟამად მდიდარი ნავთობის საბადოების მქონე ზემო ნილის შტატის დედაქალაქ მალაკალში გრძელდება. ამბოხებული სამხედროები 2 დღეა თავს ესხმიან მალაკალს. იმ ნავთობის საბადოებში, რომლებიც კონფლიქტის რეგიონიდან მოშორებითაა, დღეში 200 ათას ბარელ ნავთობს აწარმოებენ. უნიტის შტატში მდებარე ნავთობის საბადოები კი ამბოხებულთა ხელშია. ნავთობის საბადოების ამბოხებული სამხედროების ხელში გადასვლის შემთხვევაში, მილსადენების ტრანზიტისაგან მნიშვნელოვანი შემოსავლის მიმღებმა სუდანმა, შესაძლოა სამხრეთ სუდანზე სამხედრო ოპერაცია განახორციელოს. 27.12.13
