მომხდარი მოვლენების შეფასება და მათზე საუბარი გარკვეული დროის გასვლის შემდეგ უფრო სწორი და პროგრესულია. საქართველოში და საზღვარგარეთ ხშირად საუბრობენ იმის შესახებ, რომ 2013 წელი ჩვენი ქვეყნისთვის ბევრის მომტანი აღმოჩნდა. 2014 წლის დადგომამდე სულ ცოტა დრო რჩება ,,თბილისი თაიმსი’’ დაინტერესდა თუ როგორ აფასებენ სხვადასხვა სფეროს წარმოამდგენლები საქართველოში მიმდინარე წლის მოვლენებს: რა იყო ყველაზე მნიშვნელოვანი და რამდენად წარმატებული აღმოჩნდა ეს წელი საქართველოსთვის? 
კახა კოჟორიძე (საქართველოს ახალგაზრდა იურისტთა ასოციაციის ხელმძღვანელი) მიიჩნევს, რომ 2013 წელს ყველაზე აქტუალური იყო ვილნიუსის სამიტი და მიღწეული შედეგები. ,,საქართველოსთვის არის პრიორიტეტული ევროკავშირში ინტეგრაცია და ჩვენთვის შესაბამისად მნიშვნელოვანია ვილნიუსის სამიტის შედეგები’’-აცხადებს კოჟორიძე. კოჟორიძე აქვე აღნიშნავს, რომ ევროკავშირში ინტეგრაციისთვის ბევრი რამ არის გასაკეთებელი როგორც საზოგადოების, ასევე ხელისუფლების მხრიდან და გამიოთქვამს იმედს, რომ 2014 წელს საქართველო ევროკავშირის წევრი გახდება. 
თინა ხიდაშელის (საპარლამენტო უმრავლესობის წევრი) შეფასებით, საქართველოსთის წინგადადგულ ნაბიჯად უნდა ჩაითვალოს ჩატარებული საპრეზიდენტო არჩევნები. ,,საუბარი მაქვს არა იმაზე, თუ ვინ აირჩია საზოგადოებამ პრეზიდენტად, არამედ იმაზე, რომ პირველად ჩატარდა ასეთი არჩევნები, რომლითაც შეგვიძლია ვიამაყოთ და ეს დარჩება სახელმწიფოს ისტორიაში’’-აღნიშნა ხიდაშელმა. 
ნინო სუხიშვილი (ქართული ეროვნული ბალეტის დირექტორი) 2013 წლის მნიშვნმელოვან მოვლენად თვლის ,,რამიშვილების’’ პროექტის პრეზენტაციას. მისი თქმით, აღნიშნული სრულიად განსხვავებულია და ეს იყო ახალი ექსპერიმენტი, რომელიც ფოლკლორს გასცდა. ,,მიმაჩნია, რომ ეს იყო არა მხოლოდ პირადად ჩემთვის წარმტების მომტანაი, არამედ საქართველოსთვის და იმ ხალხისთვის, ვინც ნახა, სრულიად შეუდარებელი მოვლენა’’- აღნიშნა ნინო სუხიშვილმა. 
მამუკა არეშიძის (სტრატეგიული კვლევების კავკასიური ცენტრის დირექტორი) განცხადებით, რთულია ცალსახად ერთი მოვლენის განსაზღვრა. მისი თქმით, მნიშვნელოვან მოვლენებში უნდა აღინიშნოს ვილნიუსის სამიტი, თუმცა აღნიშნულთან იკვეთება, როგორც დადებითი, ასევე უარყოფითი მხარეები. „დადებით მხარედ მივიჩნევ ევროპასთან დაახლოების კიდევ ერთი ნაბიჯს. მაგრამ ამასთან ერთად გარკვეული ვალდებულებები გაჩნდა, რომლის შესრულებაც აუცილებელია, ევროპასთან თავისუფალი ვაჭრობის კონტექსტში მიმაჩნია, რომ საქართველოს ეკონომიკა ამისთვის მზად არ არის. საქართველოს ხელისუფლებას 5 წელი მაინც სჭირდება, რომ ეკონომიკა სათანადო დონეზე აიყვანოს იმისათის, რომ თავისუფალი ბაზრის პირობები ჩვენთვის სარგებლის მომტანი იყოს. სხვა შემთხვევაში – წამგებიანი იქნება. ისიც უნდა აღინიშნოს, რომ რუსეთი ყველაფერს გააკეთებს, რათა საქართველო არ გახდეს ევროკავშირის წევრი,’’- აცხადებს არაშიძე. მისივე განცხადებით, ამ მოვლენის გარდა 2013 წელს საქართველოში რამე განსაკუთრებული არ მომხდარა. მართალია, ახალმა ხელისუფლებამ განსხვავებული პროცესები დაიწყო, მაგრამ ჯერ არ არის ცნობილი, რამდენად მომგებიანი იქნება მიღწეული შედეგები. ,,ამ საკითხში იკვეთება, როგორც დადებითი, ასევე უარყოფითი მომენტები. ბევრი პრობლემა მოიხსნა აღარ არის – ადამიანის ღირსების შეურაცმყოფელი ფაქტები, რასაც წინა ხელისუფლება ახორციელებდა ,, მაგრამ ხელისუფლებაში არსებულმა არაპროფესიულმა ძალაებმა ვერ შეძლეს ჯანსაღი განვითარების პროცესის შექმნა, ეკონომიკური, პოლიტიკური თუ საზოგადოებრივი თვალსაზრისით,’’- აღნიშნავს არაშიძე.
გიორგი კეკელიძემ (საქართველოს პარლამენტის ეროვნული ბიბლიოთეკის გენერალური დირექტორი) აღნიშნა, რომ 2013 წლის მთავარი მოვლენა ყოველგვარი პოლიტიკური გემოვნების ადამიანისთვის ის არის, რომ პირველად არჩეულმა პრეზიდენტმა დაასრულა საკუთარი ვადა და ახალი პრეზიდენტის არჩევნები ჩატარდა.
ავთანდილ ვარსიმაშვილი (თავისუფალი თეატრის სამხატვრო ხელმძღვანელი) – საქართველოსთვის განსაკუთრებულია ის ფაქტი, რომ ახალი პრეზიდენტის და პრემიერ-მინისტრის არჩევა მოხდა. ,,პირადად ჩემთვის კი მნიშვნელოვანია 9 ქვეყანაში გასტროლებზე წარმატებით მონაწილეობა, საერთაშორისო პრემიის ,,ოქროს რაინდის’’ გრანპრი და გრიბოედოვის თეატრისთვის რუსეთის თეატრალური პრემიის ,,თეატრის ვარსკვლავის’’ მინიჭება ნომინაციაში ,, საუკეთესო რუსული თეატრი საზღვარგარეთ’’. რა თქმა უნდა ჩემთვის ასევე მნიშვნელოვანია წელს დადგმული 4 სპექტაკლი და გადაღებული 1 მხატვრული ფილმი’’- აღნიშნავს ვარსიმაშვილი. 30.12.13 მარინა ფიდუაშვილი
