სონია შატალოვა მშობლებთან ერთად მოსკოვში ცხოვრობს, ის ამჟამად 18 წლისაა და მისი ჯანმრთელობის მდგომარეობა ძალიან რთულია. გოგონას აუტიზმია აქვს. ექიმების დიაგნოზით, “ღრმა გონებრივი ჩამორჩენილობა”. სონიამ ძალიან მალე, ყველასგან მოულოდნელად დაიწყო კითხვა და წერა. აღმოჩნდა, რომ მას აქვს აბსოლიტური ცოდნა, ფოტოგრაფიული მეხსიერება, საოცარი გაგება და აღქმა მთელი სამყაროს შესახებ. ექიმებს დიდი ხნის მანძილზე არ სჯეროდათ ყოველივე. ძნელია დაიჯერო, როდესაც ადამიანი, რომელიც გამოსცემდა მხოლოდ გაურკვეველ ხმებს, საათობით ტიროდა და კოვზიც კი ვერ მიჰქონდა პირთან და ამ ადამიანს შეუძლია თავის მხრივ გამოხატოს ასეთი მოსაზრებები სამყაროზე. მას სიტყვების განმარტების საოცარი უნარი აქვს და მისი აფორიზმები საზოგადოების დიდ ინტერესს იწვევს: 
აფრიკელი – ღამის საუკეთესო მზვერავი.
ქარი – ჰაერი, რომელსაც არ უყვარს მოსვენება.
ვერლიბრი – ლექსი, რომელიც არ ექვემდებარება ლექსთწყობის კანონებს და ამის გამო ის ცუდად არ არის. ცოდვა – სულიერი კარმა, რომელიც ადამიანს ღმერთს აშორებს.
ბავშვობა – ბედის აისი ადამიანის ცხოვრებაში.
სული – ეს ადამიანის სიცარიელეა, რომელსაც ან ღმერთი ავსებს, ან სატანა.
ცხოვრება – ღვთის წყალობა მის მიერ შექმნილ სამყაროში.
ნაცნობობა – სხვადასხვა სამყაროს შეხვედრა.
იმპროვიზაცია – წარმოსახვითი თამაში სიტყვებით, ხმებით, ფერებით… იმისათვის, რომ უცებ გამოვიდეს რაღაც ახალი.
წიგნი – ნივთი, რომელშიც შეიძლება შევინახოთ ცოდნა და ადამიანების გრძნობები.
ცხენი – დიდი, თბილი, ოთხფეხა ბედნიერება.
სიბრძნე – ზღვარი ცოტასა და ბევრს შორის.
მუზეუმი – დაკონსერვებული დრო.
მუსიკა – ღმერთის სიმღერა ადამიანის აღქმაში – ბგერებისა და ემოციების ჰარმონიული შეთანხმება.
აზრი – სიყვარულის შემდეგ დედამიწაზე ყველაზე ძლიერი ძალა.
მეცნიერება – ცოდნის სისტემა, სადაც ადგილი არ აქვს რწმენას.
ღამე – შავი ქოლგა ვარსკვლავებით.
დასვენება – მუშაობა სიამოვნებით.
გადალახვა – სულის ძალისხმევა, რომლის შედეგადაც გონება და სხეული ყველანაირ დაბრკოლებას დაძლევს.
თავგადასავალი – ისეთი საოცარი მოვლენა, რომელიც გცვლის შენ და შენს სამყაროს.
ჩიტი – ღმერთის განსხეულებული აზრი სიმღერასა და ფრენაზე.
როლი – ეს არის ცხოვრება, რომლითაც ცხოვრობენ თამაშში.
რომანტიკა – განწყობა, როცა ჩვეულებრივში საოცრებას ხედავ.
ზღაპარი – სულისგან გამოგონილი ცხოვრება, სადაც რეალურობა ზედმეტია.
სიცილი – სევდიანი სულის ექიმი.
ძაღლი – ერთგულებისა და მორჩილების მყეფარე განსახიერება.
შეჯიბრება – ეს არის რაღაცის ერთობლივად კეთება იმ მიზნით, რომ გაიგო, ვინ არის უკეთესი.
მაგიდა – მოედანი, რომელზეც ვითარდება თეფშების და მასზე მოთავსებული საჭმლის ცხოვრება.
სირცხვილი – ცეცხლი, რომელიც ადამიანის სულისგან ცოდვას აფრქვევს.
შიში – მუხრუჭი მოქმედებისას.
სიამოვნება – როცა ცუდ ხასიათზე მყოფი ბევრი სტუმარი ქმნის საოცრებებს.
ქარიშხალი – ჭკუიდან შეშლილი ქარი.
ყური – ცოცხალ არსებებში ხმების ხაფანგი.
ფანტაზია – სულის არსებობის გასალამაზებელი ქსოვილი.
ფოტოგრაფია – დაკონსერვებული სახე.
ადამიანი – ისეთი ცოცხალი არსება, რომელსაც აქვს გონება, მეტყველება, მოხერხებული ხელები და იმის უნარი, გადაწყვიტოს, როგორ გამოიყენოს ეს ყველაფერი.
კაცობრიობა – ეს არის ყველა ადამიანი ერთად, თუ მას განვიხილავთ როგორც ერთ დიდ მთლიანობას.
თავის ქალა – ძვლის პატარა ყუთი, რომლის ჩონჩხშიც მთელი სამყაროა მოთავსებული.
ბუშტი – კუბი კუთხეებისა და ნეკნების გარეშე.
აღნიშნულ ინფორმაციას საინფორმაციო პორტალი marao.ge ავრცელებს.
10.01.14
