გასულ ღამეს ვაკეში, დაახლოებით 11 საათზე მოკლული 58 წლის ბიზნესმენი ე.წ კანონიერი ქურდის, მერაბ ჯანგველაძის ძმა, ლევან ჯანგველაძეა. ძმები ჯანგველაძეები სოხუმიდან არიან.
როგორც ინფორმირებული წყარო გვიყვება, ლევანი მოსკოვიდან ჩამოფრინდა და მკვლელობის დღეს იყო ახლობლის პანაშვიდზე.
„ასე მითხრეს მიცვალებული თვითონ ჩამოასვენაო.. ყველას ეხმარებოდა ლევანი, ბიზნესები ჰქონდა რუსეთში. რამდენს სიცოცხლე შეუნარჩუნა. იყო უაღრესად კეთილი. მეუღლე მოსკოვიდანაა. 2 შვილი ჰყავთ. ლევანს თბილისში ყავს დედა და და.”,- გვიყვება ინფორმირებული წყარო.
58 წლის ბიზნესმენს თბილისში დაკრძალვენ. შსს ცნობით, გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
