დღეს, საქართველოს ახალგაზრდულმა პარლამენტმა ახალი, 2014 წლის, მოწვევის დეპუტატების შერჩევა დაიწყო.
დღეიდან 28 მარტამდე ნებისმიერ მსურველს 18–დან 25 წლამდე აქვს შესაძლებლობა მონაწილეობა მიიღოს დეპუტატობისთვის გამოცხადებულ კონკურსში,რომელიც 2 ეტაპისაგან შედგება, აპლიკაცია და გასაუბრება სხვადასხვა დარგის ექსპერტებთან.
წელს უკვე მეორედ ახალგაზრდებისგან დაკომპლექტებული პარლამენტი იმუშავებს საკანონმდებლო წინადადებების შედგენაზე, რომელსაც მიაწვდის საქართველოს პარლამენტს და გააცნობს სხვადასხვა არასამთავრობო ორგანიზაციებს.
საქართველოს ახალგაზრდული პარლამენტი იყენებს ინოვაციურ მეთოდებს ახალგაზრდების პოლიტიკური განათლებისა და გადაწყვეტილების მიღების პროცესში პირდაპირ ჩართულობის კუთხით.
დღესვე, ცნობილი გახდა ახალგაზრდული პარლამენტის ახალი ბორდის ვინაობა, რომელიც მომდევნო წლის განმავლობაში მონაწილეობას მიიღებს ორგანიზაციის მართვაში.
13.03.14
