ნატო-ს გენერალური მდივანი, ანდერს ფოგ რასმუსენი მიიჩნევს, რომ ყირიმში ე.წ. რეფერენდუმის ჩატარება გაერო-ს წესდებას ეწინააღმდეგება. ანდერს ფოგ რასმუსენის ამ განცხადებას უკრაინული მედია რადიო “თავისუფლებაზე” დაყრდნობით ავრცელებს.
“ამ “რეფერენდუმის” ჩატარება ძირს უთხრის საერთაშორისო თანამეგობრობის ძალისხმევას, რომლებიც უკრაინის კრიზისის დასაძლევად მშვიდობიან და პოლიტიკურ გზებს ეძებენ. ეს იქნება უკრაინის კონსტიტუციის და საერთაშორისო სამართლის დარღვევა. ე.წ. რეფერენდუმის ჩატარების შემთხვევაშიც კი მას არ ექნება იურიდიული ძალა ან პოლიტიკური ლეგიტიმურობა”, – განაცხადა რასმუსენმა.
ყირიმის სტატუსის შესახებ რეფერენდუმი დღეს იმართება.
16.03.14
