საქართველოს თავდაცვის სამინისტროს და გენერალური შტაბის ხელმძღვანელი თანამდებობის პირები სტრატეგიული ლიდერობის პროგრამის სემინარში მონაწილეობენ.
როგორც “თბილისი თაიმს” თავდაცვის სამინისტროდან აცნობეს, სასტუმრო “თბილისი მარიოტში” ოთხდღიანი კურსი დღეს, დიდი ბრიტანეთის თავდაცვის აკადემიის დირექტორის თანაშემწემ, პოლკოვნიკმა მარტინ ფორგრეივმა გახსნა.
სიტყვით გამოსვლისას მან ხაზი გაუსვა ლიდერობის სტრატეგიულ მნიშვნელობასა და განსხვავებებს მართვას, ლიდერობასა და მენეჯმენტს შორის.
კურსს ბოსნია-ჰერცოგოვინას წარმომადგენლებიც ესწრებიან. სემინარს პოლკოვნიკი მარტინ ფორგრეივი და ქრენფილდის უნივესიტეტის დოქტორი ბრაიან უოთერსი უძღვებიან. კურსის დასასრულს მონაწილეებს სერთიფიკატები გადაეცემათ.
სემინარი ნატო-საქართველოს პროფესიული განვითარების პროგრამის ფარგლებში, საქართველოს თავდაცვის სამინისტროს სტრატეგიისა და ლიდერიზმის ცენტრის ორგანიზებით ტარდება. დიდი ბრიტანეთის თავდაცვის აკადემიისა და ქრენფილდის უნივერსიტეტის ერთობლივ პროექტს საქართველო უკვე მეორედ მასპინძლობს.
24.03.14
