“თანამდებობას დავტოვებ მას შემდეგ, რაც არჩევნების თარიღი ოფიციალურად გამოცხადდება“

თანამდებობას დავტოვებ მას შემდეგ, რაც ადგილობრივი თვითმმართველობის არჩევნების თარიღი ოფიციალურად გამოცხადდება, – ამის შესახებ ჟურნალისტებს რეგიონული განვითარებისა და ინფრასტრუქტურის მინისტრმა, მმართველი გუნდის თბილისის მერობის კანდიდატმა დავით ნარმანიამ განუცხადა. 

მისივე განმარტებით, მინისტრის პოსტზე მის შემცვლელთან დაკავშირებით კონსულტაციები მიმდინარეობს.

“თანამდებობას დავტოვებ მას შემდეგ, რაც არჩევნების თარიღი ოფიციალურად გამოცხადდება და მე, როგორც მერობის კანდიდატი ოფიციალურად ვიქნები დასახელებული – ანუ მას შემდეგ, რაც კანონმდებლობა დამიწესებს შეზღუდვებს და არ ვაპირებ კანონი დავარღვიო. აქედან გამომდინარე, დავტოვებ დაკავებულ თანამდებობას. ჩემს შემცვლელთან დაკავშირებით მიმდინარეობს კონსულტაციები. ეს პრემიერ-მინისტრის ექსკლუზიური უფლებამოსილებაა და ის მიიღებს თავის დროზე შესაბამის გადაწყვეტილებას”, – აღნიშნა ნარმანიამ.

რაც შეეხება მინისტრთა კაბინეტში მოსალოდნელ სხვა საკადრო ცვლილებებს, მისი თქმით, აღნიშნულის შესახებ ინფორმაცია არ აქვს.

25.03.14