პერსონალურ მონაცემთა დაცვის ინსპექტორი თამარ ქალდანი ტელეკომპანია “რუსთავი 2” -ის გენერალური დირექტორის დღევანდელ საგანგებო განცხადებას ეხმაურება.
როგორც “თბილისი თაიმსი” პერსონალურ მონაცემთა დაცვის ინსპექტორის სამსახურიდან აცნობეს, თამარ ქალდანის განცხადებით, ფარული ვიდეო-აუდიო ჩაწერა, თუ ის არ ხორციელდება მოსამართლის ბრძანების საფუძველზე, წარმოადგენს პირადი ცხოვრების ხელშეუხებლობის ხელყოფას და დანაშაულს.
ინსპექტორი მოუწოდებს საგამოძიებო ორგანოებს, დაუყოვნებლივ შეისწავლონ აღნიშნული საკითხი და დანაშაულის ნიშნების გამოვლენის შემთხვევაში, მოახდინონ სათანადო რეაგირება.
ტელეკომპანია “რუსთავი 2”-ის ხელმძღვანელობამ დღეს პრესკონფერენცია გამართა და განაცხადა, რომ აღმოჩენელია ვიდეომასალა, სადაც ნიკა გვარამიასა და ნინო შუბლაძეს საუბრებია აღბეჭდილი. ნიკა გვარამიამ ინფორმაციის წყაროდ შსს დაასახელა.
06.05.14