უკრაინის პრეზიდენტის პეტრო პოროშენკოს განცხადებით, აღმოსავლეთ უკრაინაში ცეცხლი ამ კვირაშივე უნდა შეწყდეს.
უკრაინის პრეზიდენტის პრესსამსახურის ინფორმაციით, პეტრო პოროშენკომ ეს განცხადება აღმოსავლეთ უკრაინაში კრიზისის დარეგულირების თაობაზე გამართულ სამმხრივი საკონტაქტო ჯგუფის შეხვედრაზე გააკეთა.
ამასთან, შეხვედრას ესწრებოდნენ ეუთო-ს გენერალური მდივნის სპეციალური წარმომადგენელი ჰაიდი ტალიავინი, რუსეთის ელჩი უკრაინაში მიხაილ ზურაბოვი და უკრაინის ელჩი გერმანიაში პაველ კლიმკინი.
“ჩვენ უნდა შევწყვიტოთ ცეცხლი ამ კვირაში. ჩემთვის მიუღებელია, როდესაც ყოველი დღე ადამიანები იხოცებიან, როდესაც უკრაინა ასეთ მაღალ ფასს იხდის”, – განაცხადა პეტრო პოროშენკომ.
მისივე თქმით, პირველ რიგში უნდა აღდგეს უკრაინის სახელმწიფო საზღვარი, რათა უზრუნველყოფილი იქნეს დონბასში მცხოვრები თითოეული მოქალაქის უსაფრთხოება, მიუხედავად მათი პოლიტიკური შეხედულებებისა.
09.06.14
