„არჩევნების მეორე ტურის არსებობა ქვეყანაში ნიშნავს, რომ მოსახლეობა არის პლურალისტური“ – ლევან ნატროშვილი

საქართველოში ადგილობრივი თვითმართველობის არჩევნები ჩატარდა. როგორც არასამთავოებები აღნიშნავენ არ ყოფილა რაიმე სახის სერიოზული დარღვევა, თუმცა მოსახლეობის დაბალი აქტივობის გამო პირველად, საქართველოში ტარდება არჩევნების მეორე ტური.

პირველი ტურით მხოლოდ ოთხი თვითმართველი ქალაქის მერია არჩეული (ახალციხის, ამბროლაურის, ქუთაისისა და ზუგდიდის) . რამდენად დემოკრატიულად ჩატარდა საქართველოში არჩევნები, თუ რას სახის დარვევები იქნა აღმოჩენილი, რამ გამოიწვია მოსახლეობის დაბალი აქტივობა და რას ნიშნავს მეორე ტურის ჩატარება ქვეყნისათვის, ამ საკითხებთან დაკავშირებით ,,თბილისი თაიმსს“ ,,საერთაშორისო გამჭვირვალობა-საქართველოს“  საარჩევნო პროექტის ხელმძღვანელი ლევან ნატროშვილი ესაუბრა.

როგორ შეაფასებდით არჩევნების პირველ ტურს, რამდენად დემოკრატიულად და ობიექტურად ჩატარდა?

არჩევნები ნორმალურად, აბსოლუტურად მშვიდ გარემოში ჩატარდა, იყო ცალკეული დარღვევები, ცალკეული პრობლემები, მაგრამ მთლიანობაში არჩევნები მთელი ქვეყნის მაშტაბით ჩატარდა ნორმის ფარგლებში და კიდევ ერთხელ ვნახეთ,რომ არჩევნები უკვე მესამედ ჩატარდა საკმაოდ დემოკრატიულად,.თუმცა იყო გარკვეული პრობლემები, განსაკუთრებით ზოგიერთ ოლქებში, მაგალითად, როგორიცაა ზუგდიდი, მარტვილი, ჩვენს მიერ დაკვირვებულ ოლქებში იყო მარკირების არ შემოწმების ფაქტები, მარტვილში იყო რამდენიმე ძალადობის ფაქტი, სიებთან იყო ასევე მცირე პრობლემები, ჩვენს მიერ დაკვირვებული უბნებიდან დაახლოებით 300 ადმიანმა ვერ იპოვა თავი სიაში, თუმცა ეს არ არის ძალიან დიდი მაჩვენებელი, იყო პრობლემები გადასატან ყუთთან დაკავშირებით. მთლიანობაში შეგვიძლია ვთქვათ, რომ ეს იყო ტექნიკური ხარვეზები და პროცესზე გავლენა არ მოუხდენია.

 რა სახის დარღვევები იქნა თქვენს მიერ დაფიქსირებული და რამდენად სეროზული იყო ეს დარღვევები?

რამდენიმე სერიოზული ხარვეზი იყო, მაგრამ ეს ისეთი ხარვეზები არ იყო, რომ მთლიანობაში, ოლქში შედეგებზე მოეხდინა გავლენა და მითუმეტეს ქვეყნის მაშტაბით, ყოველ შემთხვევაში მე ვსაუბრობ ჩვენს მიერ დაკვირვებულ ოლქებზე.  

როგორ შეფასებდით მოსახლეობის აქტივობას? სხვა არჩევნებთან შედარებით აქტივობა დაბალი იყო, რატომ იყო ასეთი დაბალი?!

არ ვიცი, ალბათ ერთ-ერთი მიზეზი ისაა, რომ ადგილობრივი თვითმართველობის არჩევნები ცოტა სხვა სფეციფიკისაა და შესაძლებელია, აქტივობა მაღალი არ იყოს ამ არჩევნებზე. სხვა მიზეზები არ ვიცი, შეიძლება გარკვეული სპეკულირება მოვახდინოთ, მაგრამ ჩვენ პრინციპში არ გვაინტერესებს ეს თემა და არ ვმუშაობთ ამ თემაზე, ეს უფრო პოლიტიკური მიმომხილველის გადმოსახედიდან გასარჩევი საკითხია, ვიდრე ჩვენი სადამკვირვებლო მისიისა.  

აპირებთ თუ არა მეორე ტურზეც განახორციელოთ მონიტორინგი და რა მოლოდინები გაქვთ?

მეორე ტურზეც ვაპირებთ განვახორციელოთ მონიტორინგი, იმედი გვაქვს, რომ არც მეორე ტურზე იქნება სერიოზული დარღვევები.ზუსტად არ ვიცით სად დავაკვირდებით, ჯერ დროა ივნისის ბოლომდე და იქამდე მოვიფიქრებთ როგორ დავაკვირდებით.

რას ნიშნავს ის, რომ საქართველოში ტარდება არჩევნების მეორე ტური, ეს შეიძლება ჩაითვალოს, როგორც დადებითი მოვლენა, რომელიც ახასიათებს დემოკრატიულ ქვეყანას თუ პირიქით, უარყოფითია?

დადებითი ალბათ დემოკრატიის თვალთახედვით ნამდვილად არის, მეორე ტურის არსებობა ქვეყანაში ნიშნავს, რომ მოსახლეობა არის პლურალისტური და ასე ვთქვათ ერთპარტიული სისტემის ჩამოყალიბების შანსი უფრო ნაკლებია, ვიდრე ვთქვათ ისეთი მოვლენის, როცა მეორე ტური საერთოდ არ ინიშნება და პირველივე ტურში იგებენ კანდიდატები, თუმცა მანდატებს თუ შევხედავთ მანდატების ორი მესამედი ისევ დაიკავა ერთმა პარტიამ, კოალიციამ, მაგრამ თავისთავად უპრეცედენტოა ის, რომ საქართველოში დაინიშნა მეორე ტური, მეორე ტური არანაირად არ აკნინებს დემოკრატიას, პირიქით, ეს უფრო ხაზს უსვამს, რომ იქ არის მრავალფეროვანი ჯგუფები, ხალხიც მრავალფეროვანია. რაც შეეხება უარყოფით მხარეს, ფინანსური რესურსი, ადამიანური რესურსი უფრო მეტია საჭირო, ეს აქვს ერთადერთი უარყოფითი მხარე. საინტერესოა, რა სახსრებს მოითხოვს საქართველოში არჩევნების ჩატარება. თუ არ ვცდები ცეესკოს ბიუჯეტი 50 მილიონი ჰქონდა, უფრო კონკრეტულად თუ რა ჯდება არჩევნების ჩატარება ამაზე ჩვენ არ ვფლობთ ინფორმაციას.

19.06.14

ლანა წურწუმია