საქართველოს ყოფილი პრეზიდენტის, ედუარდ შევარდნაძის დაკრძალვის ცერემონიაზე დასასწრებად საქართველოში ჩამოსვლას გეგმავენ მაღალი რანგის სტუმრები მსოფლიოს სხვადასხვა ქვეყნიდან.
რგორც “თბილისი თაიმსს” საგარეო უწყობიდან აცნობეს, ამ დროისთვის არსებული მონაცემებით ედუარდ შევარდნაძის დაკრძალვის ცერემონიაზე დასასწრებად თბილისს ეწვევიან აზერბაიჯანის რესპუბლიკის პარლამენტის თავმჯდომარე ოქტაი ასადოვი; სომხეთის პარლამენტის თავმჯდომარე გალუსტ საჰაკიანი; ავსტრიის ფედერაციული რესპუბლიკის იუსტიციის ფედერალური მინისტრი ვოლფგან ბრანდშთეთერი; იაპონიის საგარეო საქმეთა მინისტრის მოადგილე ტაკაო მაკინო. ამერიკის შეერთებული შტატების ყოფილი სახელმწიფო მდივანი ჯონ ბეიკერი; გერმანიის ყოფილი საგარეო საქმეთა მინისტრი და ვიცე-კანცლერი, ჰანს დიტრიხ გენშერი და მისი მეუღლე ბარბარა გენშერი; ესტონეთის რესპუბლიკის ყოფილი პრეზიდენტი არნოლდ რუტელი; ყირგიზეთის ყოფილი პრეზიდენტი როზა ოტუმბაევა.
საგარეო საქმეთა სამინისტრო დამატებით მოგაწვდით ინფორმაციას დაკრძალვის ცერემონიაზე დასწრების მსურველი უცხოური დელეგაციების შესახებ.
10.07.14
Discussion about this post