თბილისის 2015 წლის ბიუჯეტის პროექტი დაახლოებით 800 მილიონი ლარით განისაზღვრა. როგორც დღეს გამართულ პრესკონფერენციაზე თბილისის მერმა დავით ნარმანიამ განაცხადა, წინა წლებისგან განსხვავებით 2015 წლის ბიუჯეტი იქნება უფრო მეტად გამჭვირვალე.
“მთელი რიგი პროექტები იქნება უფრო დეტალურად მოცემული. მნიშვნელოვანია, რომ ბიუჯეტის პროექტის შედგენამდე მოხდა მოსახლეობის გამოკითხვა. ჯამში 8 000-მდე ადამიანი გამოიკითხა და მათი მხრიდან წარმოთქმულ საჭიროებებზე იქნა დაფუძნებული მომავალი წლის ბიუჯეტი”, – განაცხადა ნარმანიამ.
ბიუჯეტის პროექტი საკრებულოში 15 ნოემბერს შევა.
11.11.14