12.00 საათის მონაცემებით, ადგილობრივი თვითმმართველობის არჩევნების მეორე ტურში 258 789 ამომრჩეველმა მიღო მონაწილეობა, რაც ამომრჩეველთა 15,09% შეადგენს, – ამის შესახებ ცესკო-ს სპიკერმა ეკა აზარაშვილმა ბრიფინგზე განაცხადა. მისივე ინფორმაციით, თბილისში აქტივობა 14,7%-ს შეადგენს, ანუ ამ დროისათვის თბილისში ხმა მისცა 135 107 ამომრჩეველმა. რაც შეეხება აქტივობას ოლქების მიხედვით, 12.00 საათის მონაცემებით, ყველაზე მაღალი აქტივობა ამ დროისათვის დაფიქსირებულია ხონში, სადაც ამომრჩეველთა 28,4% მიიღო მონაწილეობა. ყველაზე დაბალი აქტივობა კი ბათუმშია, სადაც 10,7%-მა მიიღო მონაწილეობა. თბილისში ყველაზე მაღალი აქტივობა დიდუბეში დაფიქსირდა, სადაც არჩევნებში მონაწილეობას მიიღო 16,1%-მა. ყველაზე დაბალი აქტივობა კი ისანშია, სადაც არჩევნებზე 13,1%-მა მივიდა არჩევნებზე. თვითმმართველობის არჩევნების მეორე ტური დღეს 28 ოლქში იმართება.
12.07.14
