ადგილობრივი თვითმმართველობის არჩევნებში “ქართული ოცნების” კანდიდატები ლიდერობენ

ამ დროისათვის დათვლილი მონაცემების მიხედვით, რეგიონებში გამართულ ადგილობრივი თვითმმართველობის არჩევნებში “ქართული ოცნების” კანდიდატები ლიდერობენ.

ცესკო-ს თავმჯდომარე თამარ ჟვანიას განცხადებით, ფოთში უკვე დათვლილია 32 უბნიდან 23 უბნის მონაცემები და მერობის კანდიდატ ირაკლი კაკულიას (#41) ხმათა 71.78% აქვს, უშანგი გეგენავას კი 28.22%.

ყვარელში დათვლილია 17 უბნის მონაცემები 30 უბნიდან. გამგებლობის კანდიდატმა ხატია დეკანოიძემ (#5) 17.88% მიიღო, ილია მზექალიშვილმა(#41) კი 82.12.

თიანეთში 20-დან დათვლილია 10 უბნის მონაცემები. გამგებლობის კანდიდატმა ილია არჩემაშვილმა (#3) 34.01%, ხოლო ლელა ქიტესაშვილმა(#41) 65,99% მიიღო. ბაღდათში დათვლილია 19 უბნის მონაცემები 30-დან. გამგებლობის კანდიდატმა მევლუდ კიკნაველიძემ (#18) 42,1 %, ხოლო ირაკლი გეგეშიძემ (#41) 57.3 % მიიღო.

მარტვილში დათვლილია 33 უბნის მონაცემები 39-დან. გამგებლობის კანდიდატმა დავით ინჯიამ (#3) 11,78%, ხოლო ალექსანდრე გრიგალავამ (#41) 88.22% მიიღო.

12.07.14