საქართველოს ყოფილ შსს მინისტრს კახა თარგამაძეს უარი ეთქვა საგამონაკლისო წესით მოქალაქეობის მინიჭებაზე. ინფორმაციას ამის შესახებ პრეზიდენტის ადმინისტრაცია ავრცელებს.
„დიდი ინტერესიდან გამომდინარე, საქართველოს პრეზიდენტის ადმინისტრაცია საჭიროდ მიიჩნევს საზოგადოებას აცნობოს, რომ კახა თარგამაძეს უარი ეთქვა საგამონაკლისო წესით მოქალაქეობის მინიჭებაზე. შესაბამის განკარგულებას საქართველოს პრეზიდენტმა დღეს მოაწერა ხელი“, – ნათქვამია განცხადებაში.
კახა თარგამაძეს საქართველოს მოქალაქეობის მინიჭებაზე უარი ეთქვა საქართველოს კონსტიტუციის მე-12 მუხლის მე-2 პუნქტისა და “საქართველოს მოქალაქეობის შესახებ” საქართველოს ორგანული კანონის 25-ე მუხლის პირველი პუნქტის შესაბამისად.
19.08.14
