საქართველოს ეროვნული საკალათბურთო ნაკრები ევროპის ჩემპიონატზე გავიდა. ქართველი კალათბურთელები შესარჩევ E ჯგუფში პირველ ადგილზე გავიდნენ და ავტომატურად მოხვდნენ “ევრობასკეტზე”.
ქართველი კალათბურთელები ევროპის ჩემპიონატზე ზედიზედ მესამედ ითამაშებენ. მათ პირველი ადგილი პორტუგალიის გუშინდელი დამარცხებითა და უნგრეთის მიერ ჩეხეთის ძლევის შემდეგ მოიპოვეს. საქართველოს ეროვნულმა საკალათბურთო ნაკრებმა ექვს თამაშში ოთხი შეხვედრა მოიგო და მხოლოდ ორში დამარცხდა.
ევროპის 2015 წლის საკალათბურთო ჩემპიონატი უკრაინაში უნდა ჩატარებულიყო, თუმცა ქვეყანაში შექმნილი მძიმე ვითარების გამო ქვეყანამ ტურნირის მასპინძლობაზე უარი თქვა. 13 ივნისს “ფიბამ” ოფიციალურად განაცხადა, რომ ჩემპიონატი უკრაინაში აღარ ჩატარდება. ამ დროისთვის, რამდენიმე ქვეყანა აცხადებს ევრობასკეტის მასპინძლობაზე პრეტენზიას. სავარაუდოდ, “ფიბა” უახლოეს მომავალში გამოაცხადებს, თუ სად ჩატარდება ევროპის 2015 წლის ჩემპიონატი.
28.08.14
