საქართველოს რეგიონული განვითარებისა და ინფრასტრუქტურის მინისტრი, დავით შავლიაშვილი ბათუმში გაემგზავრა. როგორც “თბილისი თაიმსს” რეგიონული განვითარებისა და ინფრასტრუქტურის სამინისტროდან აცნობეს, აჭარაში ასევე გაემგზავრნენ ინფრასტრუქტურის მინისტრის პირველი მოადგილე, გიორგი ამაშუკელი, საქართველოს გარემოსა და ბუნებრივი რესურსების დაცვის მინისტრის მოადგილე, ზურაბ კოპაძე, სახელმწიფო უსაფრთხოებისა და კრიზიების მართვის საბჭოს თავმჯდომარე, მინდია ჯანელიძე და საავტომობილო გზების დეპარტამენტის თავმჯდომარე, ვაჟა ფანჩულიძე.
ბათუმში დაგეგმილია სტიქიის შედეგების ლიკვიდაციის საგანგებო შტაბის შეკრება და დაზარალებული ობიექტების დათვალიერება.
“პრობლემების შექმნისთანავე, აჭარაში მობილიზებულები არიან ჩვენი სამინისტროს შესაბამისი სამსახურების წარმომადგენლები, საავტომობილო გზების დეპარტამენტის ტექნიკა. აქტიური კომუნიკაცია გვაქვს აჭარის მთავრობის მეთაურთან. გუშინდლამდე ჩვენი ჩარევის საჭიროება არ არსებობდა. დღეიდან, მზად ვართ აჭარას აღმოვუჩინოთ ნებისმიერი დახმარება, რომელიც ჩვენ კომპეტენციაშია”, – განაცხადა დავით შავლიაშვილმა.
22.09.14
