საქართველოს ფინანსთა მინისტრი ნოდარ ხადური აზიის განვითარების ბანკის პრეზიდენტს შეხვდა. ფინანსთა სამინისტროს ინფორმაციით,  ნოდარ ხადური აზიის განვითარების ბანკის ახლად არჩეულ პრეზიდენტს ტაკეჰიკო ნაკაოს ინდოეთის რესპუბლიკაში სამუშაო ვიზიტის ფარგლებში შეხვდა.

შეხვედრის დროს განიხილეს აზიის განვითარების ბანკთან არსებული წარმატებული თანამშრომლობის მიმდინარეობა და შესაძლო ახალი მიმართულებები.

სამინისტროს ინფორმაციით, ADB საქართველოს ერთ-ერთი სტრატეგიული პარტნიორი საერთაშორისო საფინანსო ორგანიზაციაა. აზიის განვითარების ბანკი საქართველოში ახორციელებს მნიშვნელოვან პროექტებს ენერგოსექტორში, ინფრასტრუქტურაში, ასევე გზებისა და წყალმომარაგების სისტემების რეაბილიტაციის კუთხით.

01.05.13

Please follow and like us: