“ბეღელური და სხვები საქართველოს წინააღმდეგ” – ამ სახელწოდებით საქმე ადამიანის უფლებათა დაცვის ევროპულ სასამართლოში ათი წლის წინ შევიდა. სარჩელში იეჰოვას მოწმეების წინააღმდეგ დევნის 30-მდე ეპიზოდი გაერთიანდა. საქართველოს მთავრობას იეჰოვას მოწმეები 50 000 ევროს გადახდას სთხოვენ. საქმე ეხება საქართველოში 2001 წელს მომხდარ კონფლიქტებს, რომელსაც იეჰოვას 99 მოწმის ფიზიკური შეურაცხყოფა მოჰყვა. ორგანიზაცია „იეჰოვას მოწმეები საქართველოში“ აცხადებენ, რომ ბასილ მკალავიშვილი და მისი მომხრეები მათ ყოველგვარი წინაპირობის გარეშე სცემდნენ. ასევე საქმეშია მასალა, რომელიც მოიცავს ფაქტებს, სამართალდამცავების მიერ მიყენებული შეურაცხყოფის შესახებ, რომელსაც სახელმწიფო სამართლიანობის აღსრულებად მოიხსენიებდა. თავის მხრივ, ბასილ მკალავიშვილი აცხადებს, რომ იეჰოვას მოწმეები პროვოცირებდნენ, მშვიდობიანი პროტესტის გამოთქმის საშალებას არ აძლევდნენ. ორგანიზაცია „იეჰოვას მოწმეები საქართველოშის“ იურისტი მანუჩარ ციმინტია აცხადებს, რომ მათ ქვეყნის შიგნით ყველა სამართლებრივი ბერკეტი გამოიყენეს, რათა მიეღოთ კონპენსაცია, თუმცა არც ერთ ჯერზე პროკურატურამ სისხლის სამართლის საქმე არ აღძრა და სწორედ ამიტომ წაიღეს 10 წლის წინათ სტრასბურგის სასამართლოში საქმე სახელად „ბეღელური და სხვები საქართველოს წინააღმდეგ“… იურისტის განცხადებით მათ სარჩელი საქართველოში არცერთ სასამასთლო ინსტანციაში არ შეუტანიათ. 2014 წელს კი ევროპულმა, სტრასბურგის, სასამართლომ, 10 წლის შემდეგ, დააკმაყოფილა მათი სარჩელი. სარჩელში იეჰოვას მოწმეების დევნის, მათ წინააღმდეგ გამოჩენილი ფიზიკური ძალადობისა და ვერბალური შეურაცხყოფის 30-მდე ეპიზოდი, მათ შორის, ბასილ მკალავიშვილისა და მისი მრევლის საქმეა შესული. ამ საქმეში 99 იეჰოვას მოწმე მოხვდა. სასამართლოს გადაწყვეტილებით, სახელმწიფომ საქმის თითოეულ მონაწილეს 350 ევრო უნდა გადაუხადოს. ამასთან, სახელმწიფომ უნდა გადაუხადოს მოსარჩელეებს გაწეული ხარჯებისა და დანახარჯების სანაცვლოდ, ჯამში 15 ათასი ევრო. საქართველოს ახალგაზრდა იურისტთა ასოციაციის (საია) იურისტი, თამარ აბაზაძე აცხადებს: “აღსანიშნავია, ის ფაქტი რომ იეჰოვას მოწმეებს შეეძლოთ ჯერ საქართველოში ეჩივლათ, მაგრამ მათ ეს არ გააკეთეს. თავის მხრივ, ევროპული სასამართლო მათ არ ავალდებულებდათ ყველა აგილობრივი ინსტანციის გავლას და ამიტომ საქმე პირდაპირ წარმოებაში მიიღო.“ თბილისი თაიმსი შეეცადა გაერკვია სამთავრობო პოზიცია „ბეღელური და სხვები საქართველოს წინააღმდეგ“საქმესთან დაკავშირებით. უნდა აღინიშნოს, რომ აღნიშნულ საკითხზე, ჯერჯერობით, ოფიციალური კომენტარი არ გაკეთებულა და არც რომელიმე უწყებას აუღია პასუხისმგებლობა. საქართელოს პარლამენტის ადამიანის უფლებათა დაცვის კომიტეტის თავჯდომარის მოადგილემ, გედევან ფოფხაძემ განგვიცხადა, რომ საკითხი შესწავლილი არ აქვს და უახლოეს მომავალში გაეცნობა ევროპული სასამართლოს ამ ქეისს. შეასრულებს თუ არა საქართველოს მთავროობა ევროპულ რეკომენდაციას? რომელი სამთავრობო უწყება აიღებს საკუთარ თავზე კომპენსაციის გადახდის ვალდებულებას?… the tbilisi times
