თბილისობის ტრადიციული დღესასწაული წელს ახლადგარემონტებული შენობის გახსნით დაიწყება.
როგორც საკრებულოს თავმჯდომარემ გიორგი ალიბეგაშვილმა აღნიშნა, შენობის გახსნას საკრებულოს წევრები, მოწვეული სტუმრები და აღმასრულებელი ხელისუფლების წარმომადგენლები დაესწრებიან.
თბილისის საკრებულოს შენობა XIX საუკუნის დასაწყისშია აშენებული და მან რეკონსტრუქცია რამდენიმეჯერ განიცადა. რაც შეეხება ცნობის ისტორიულ დარბაზს, ის 1886 წელს რეკონსტუქციის შემდეგ აშენდა და მის გაფორმებისას ქართული ნაციონალური არქიტექტურის ელემენტები იყო გამოყენებული.
ფესტივალის ფარგლებში, სხვადასხვა კულტურული ღონისძიებები, სპორტული შეჯიბრებები, ქართული და ეთნიკური უმცირესობების ხალხური შემოქმედების კონცერტები და გამოფენა-გაყიდვები, ასევე სასოფლო-სამეურნეო ბაზრობები გაიმართება.
ამავე დღეს სხვადასხვა სფეროში მოღვაწე გამოჩენილ ადამიანებს თბილისის საპატიო მოქალაქის წოდება მიენიჭებათ.
წელს “თბილისობის’’ 35-ე დღესასწაული დედაქალაქში, ტრადიციულად, ოქტომბრის ბოლო შაბათ-კვირას, 25-26 ოქტომბერს ჩატარდება.
17.10.14
