საქართველოს სოფლის მეურნეობის სამინისტროს ინიციატივით, სოფლის მეურნეობის პროექტების მართვის სააგენტომ მანდარინის მოსავლის რეალიზაციის ხელშემწყობი ღონისძიება დაიწყო.
სოფლის მერნეობის სამინისტროს ინფორმაციით, მანდარინის გადამამუშავებელ კომპანიებზე, რომლებიც 2015 წლის 1 თებერვლამდე, სამრეწველო გადამუშავების მიზნით, ფიზიკური პირებისგან 1 კგ. მანდარინს შეისყიდიან არანაკლებ 0.20 ლარად, გაიცემა სუბსიდია- 1 კგ მანდარინზე – 0.10ლარის ოდენობით.
მანდარინის რეალიზაციის ღონისძიებების ფარგლებში, სოფლის მეურნეობის სამინსიტროს, შინაგან საქმეთა სამინისტროს და აჭარის ავტონომიური რესპუბლიკის სოფლის მეურნეობის სამინისტროს წარმომადგენლების მონაწილეობით შეიქმნა სამუშაო ჯგუფი, რომელიც კონტროლს გაუწევს სამრეწველო გადამუშავების მანდარინის ჩაბარების პროცესს, დაიცავს წესრიგს და უსაფრთხოებას.
პროგრამის განხორციელებისთვის გამოყოფილია 2 მილიონი ლარი.
არასტანდარტული მანდარინის რეალიზაციის ხელმშეწყობი ღონისძიება 2015 წლის 1 თებერვლამდე გაგრძელდება.
14.11.14
