“იური ვაზაგაშვილის გარდაცვალებასთან დაკავშირებულ კითხვებზე მთავრობამ პასუხი უნდა გასცეს”

იმ საშინელ კითხვებს, რომლებიც იური ვაზაგაშვილის გარდაცვალებასთან დაკავშირებით გაჩნდა, ხელისუფლებამ პასუხი უნდა გასცეს, – ამის შესახებ ჟურნალისტებს საკრებულოს დამოუკიდებელმა დეპუტატმა ალეკო ელისაშვილმა განუცხადა.

მისი თქმით, ის ღრმად არის დარწმუნებული, რომ იური ვაზაგაშვილი თავს არ მოიკლავდა.

“იმდენი შეკითხვაა, რომ კეთილი უნდა ინებოს მთავრობამ და ყველას პასუხი უნდა გასცეს. რამდენიმე დღის წინ ადამიანმა გამართა პრესკონფერენცია სხვა შვილმკვდარ მამებთან ერთად და განაცხადა, რომ შსს მფარველობს მკვლელებს. მას აქვს მტკიცებულებები და ამის შემდეგ მოხდა ეს ამბები. იმ ვიღაცას როგორც ჩანს, ძალიან მოხვდა გულზე და ძალიან იყო ამით დაინტერესებული. მთავრობამ ამ საშინელ კითხვებს პასუხი უნდა გასცეს”, – განაცხადა ალეკო ელისაშვილმა.

20.01.15