უკრაინის პრეზიდენტმა პეტრე პოროშენკო, მინსკის მოლაპარაკებების დასრულების შემდეგ განაცხადა, რომ ლიდერებმა მოახერხეს შეთანხმების მიღწევა. მისი თქმით, შეთანხმება ითვალისწინებს უკრაინის ტერიტორიიდან უცხო ქვეყნის ყველა შენაერთის გაყვანას, 19 დღის განმავლობაში ტყვეების გაცვლას, ასევე უკრაინის მესაზღვრეების მიერ რუსეთთან საზღვრის სრულ კონტროლს.
უკრაინის პრეზიდენტის თქმით, შეთანხმება არ ითვალისწინებს მოთხოვნას, უკრაინის ფედერალიზაციის შესახებ.
შეგახსნებთ, რომ მინსკის მოლაპარაკებები, რომელიშიც მონაწილეობას რუსეთის, უკრაინის, გერმანიისა და საფრანგეთის ლიდერები იღებდნენ, რამდენიმე წუთის წინ დასრულდა. განცხადება ვლადიმერ პუტინმა გააკეთა, რომლის მიხედვითაც ცეცხლის შეწყვეტის რეჟიმი 15 თებერვლიდან ამოქმედდება.
შეგახსენებთ, რომ მინსკის მოლაპარაკებები 14 საათის შემდეგ დღეს დილით დასრულდა. მხარეებმა დოკუმენტი შეათანხმებს და განსახილველად საკონტაქტო ჯგუფს გადასცეს. დოკუმენტს სწორედ საკონტაქტო ჯგუფის დონეზე უნდა მოეწეროს ხელი.
თუმცა, შეხვედრა მას შემდეგ განახლდა რაც დონეცკელი და ლუგანსკელი სეპარატისტების ლიდერებმა ნორმანდიული ოთხეულის“ მიერ მიღებული სამშვიდობო შეთანხმების ხელმოწერაზე უარი თქვეს.
