საქართველოს პრემიერ-მინისტრი ირაკლი ღარიბაშვილი საფრანგეთში მომხდარი ავიაკატასტროფის გამო ღრმა მწუხარებას გამოთქვამს.
“უდიდეს მწუხარებას გამოვთქვამ იმ დიდი ტრაგედიის გამო, რომელიც საფრანგეთის ალპებში დატრიალდა – ავიაკატასტროფას 150 ადამიანი ემსხვერპლა, მათ შორის არიან მცირეწლოვანი ბავშვები. ამ დიდი მწუხარების ჟამს, მინდა გულწრფელად მივუსამძიმრო და თანაგრძნობა გამოვუცხადო დაღუპულთა ოჯახებსა და ახლობლებს”, – აღნიშნულია სამძიმრის წერილში.
თვითმფრინავი, რომელიც ბარსელონადან გერმანიის ქალაქ დიუსელდორფში მიემგზავრებოდა, გუშინ, დღის პირველ ნახევარში საფრანგეთის სამხრეთ რეგიონში ჩამოვარდა. ბორტზე 142 მგზავრი და ეკიპაჟის 6 წევრი იმყოფებოდა. წინასწარი ინფორმაციით, ყველა მათგანი დაიღუპა.
Discussion about this post