აშშ-ის სანაპირო დაცვის აკადემიაში სამხედრო პატივი მიაგეს ტრაგიკულად დაღუპულ ქართველ კურსანტებს

კონექტიკუტის შტატში მდებარე აშშ-ის სანაპირო დაცვისაკადემიაში​7 მარტს  ტრაგიკულად დაღუპული ქართველი კურსანტების, სოსო მაკარიძისა და ბესო გორჯოლაძის ხსოვნისადმი მიძღვნილი ცერემონია გაიმართა. ღონისძიების ფარგლებში ქართველ კურსანტებს სამხედრო პატივი მიაგეს.

საგარეო უწყების ინფორმაციით, ცერემონიას ათასამდე კურსანტი და მოწვეული სტუმარი დაესწრო. ღონისძიებას დაღუპული კურსანტების ოჯახის წევრები, ნიუ-იორკში საქართველოს კონსული დიანა ჟღენტი, აშშ-ის შინაგან საქმეთა და უსაფრთხოების მდივანი ჯეი ჯონსონი, სენატორი ბლუმენტალი, აკადემიის რექტორი ადმირალი სტოცი და სხცა ოფიციალრი პირები ესწრებოდნენ.

დამსწრე საზოგადოებას სიტყვით მიმართა საქართველოს დესპანმა, გიორგი ხელაშვილი და აშშ-ს მხრიდან ოფიციალურმა წარმომადგენლებმა.