საბაჟო გამშვებ პუნქტში „თბილისის აეროპორტი“, მებაჟე ოფიცრებმა მგზავრს არადეკლარირებული თანხა აღმოუჩინეს.
შემოსავლების სამსახურის ინფორმაციით, საქართველოს მოქალაქე თ.ხ. რეისით თბილისი-ურუმჩი მიფრინავდა. ეჭვის საფუძველძე მისი კუთვნილი ხელბარგის დათვალიერებისას აღმოჩენილ იქნა არადეკლარირებული თანხა – 23 865 აშშ დოლარი.
საგადასახადო კოდექსის 289-ე მუხლის 13-ე ნაწილის თანახმად, პიროვნებას სანქციის სახით შეეფარდა ფულადი ჯარიმა 3000 ლარის ოდენობით.
