ზაფხულის დადგომასთან ერთად რუჯის მოყვარულებს დიდი თავსატეხი არ უჩნდებათ, იმისათვის თუ, სად და როგორ გაირუჯონ. საზოგადოების დიდმა ნაწილმა, იცის თუ, რა საფრთხეებს იწვევს სოლარიუმის სისტემატური მოხმარება, თუმცა მიუხედავად ამისა, მაინც თავს არიდებენ ამ საკითხს.
ქვემოთ მოცემულ ინფორმაციაში კი გაიგებთ, როგორი ტიპის ადამიანებს ეკრძალებათ სოალრიუმებში ვიზიტი და რატომ.
სოლარიუმზე უარი უნდა თქვან: ადამიანებმა, რომლებსაც სერიოზული ქრონიკული დაავადებები აწუხებთ. მათ შორის: კანისა და წყლულოვანი დაავადებები. ქალბატონებს კი, რომლებსაც აქვთ საშვილოსნოსა და სარძევე ჯირკვლებზე არსებული სირთულეები და ღებულობენ ანტიბიოტიკებსა და ჰორმონულ საშუალებებს.
უარი უნდა თქვან ასევე ფეხმძიმე ქალებმა, რადგან არ ღირს ამ დროს რისკის გაწევა. აუცილებელია უსაფრთხოების ზომების დაცვა ასე, რომ სოლარიუმში წასვალმდე ქვემოთ მოცემული რჩევები აუცილებლად გაითვალისწინეთ:
მიიღეთ თბილი შხაპი, გამოიყენეთ რბილი გელი ან არატუტირებული საპონი, შემდეგ ჩაიტარეთ პილინგი მთელ სხეულზე, რათა ნარუჯი სხეულზე თანაბრად განაწილდეს და კანიც ხავერდოვანი იყოს.
არ გამოიყენოთ სუნამოები, ასევე სპირტის შემცველი ლოსიონები, წინააღმდეგ შემთხვევაში პროვოცირებას გაუკეთებთ დამწვრობას, სხეულზე შეიძლება გაჩნდეს ლაქები ან ალერგიული გამონაყარი.
დაიცავით თმა, რადგან ის ზიანდება, იწვება თავის კანი კი შრება და უხეშდება, კარგავს ბზინვარებას, ამიტომ გამოიყენეთ რეზინის ქუდები.
მასალა მოამზადა
სალომე აფხაზაშვილმა
