კულტურისა და ძეგლთა დაცვის მინისტრი მიხეილ გიორგაძე და სამხატვრო აკადემიის რექტორი გია გუგუშვილი დღეს სამხატვრო აკადემიაში აზერბაიჯანის დელეგაციას უმასპინძლებენ.
როგორც “თბილისი თაიმსს” კულტურისა და ძეგლთა დაცვის სამინისტროდან აცნობეს, დელეგაციის წევრებს შორის არიან აზერბაიჯანის კულტურისა და ტურიზმის მინისტრის მოადგილე სევდა მამედალიევა, ხელოვნების ეროვნული მუზეუმის დირექტორი ჩინგიზ ალიევი, ასევე აზერბაიჯანის სამხატვრო აკადემიის რექტორი ომარ ელდაროვი და სახელმწიფო სამხატვრო აკადემიის პროფესორი სალხაბ მამედოვი. ღონისძიებას დაესწრებიან საქართველოში აზერბაიჯანის საელჩოსა და კომპანია “სოკარის” წარმომადგენლები.
უწყების ინფორმაციით, აზერბაიჯანელი სტუმრები დაათვალიერებენ გამოფენას, სადაც წარმოდგენილი იქნება სამხატვრო აკადემიის მუზეუმის საგანძური – XIX- XX საუკუნის 40-60-იანი წლების ქართველი და აზერბაიჯანელი მხატვრების ნამუშევრები (გ. გაბაშვილი, ე. ახვლედიანი, მ. თოიძე, შ. აბრამიშვილი, თ.აბრამიშვილი, დ. ხახუტაშვილი, ზ. სამხარაძე, დ. გაბიტაშვილი, ასევე ლუიჯი ლონგო, ვლადიმერ მაკოვსი, ტუაევი, აბაროვი, არზალეევი, ყურბანოვი, სეიფადოვი.)
სამინისტროს ინფორმაციიით, ღონისძიების ფარგლებში დაგეგმილია აზერბაიჯანის სამხატვრო აკადემიის რექტორისა და პროფესორებისთვის თბილისის სახელმწიფო სამხატვრო აკადემიის საპატიო დოქტორის წოდებების მინიჭება.
