1 სექტემბრიდან რუსეთი გაერო-ს უშიშროების საბჭოს თავმჯდომარე ქვეყანა გახდა.
რუსეთის თავმჯდომარეობის პერიოდი თვის ბოლომდე გაგრძელდება.
„გაერო-ს უშიშროების საბჭოში მიმდინარე თვეს სამუშაოები ინტენსიურ რეჟიმში წარიმართება. მთავარი ღონისძიება რუსეთის თავმჯდომარეობის თვეში, მშვიდობისა და უსაფრთხოების მხარდაჭერის თემაზე, მინისტრთა სხდომის გახსნა, ასევე, ახლო აღმოსავლეთში და ჩრდილო აფრიკაში კონფილქტების დარეგულირება და ტერორიზმის საფრთხეებთან ბრძოლა იქნება“, – განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.
გაერო-ს უშიშროების საბჭოში კონტრტერორისტულ საკითხზე სხდომა 30 სექტემბერს გაიმართება. რუსეთის თავმჯდომარეობის პერიოდში ლიბიის მხარდამჭერ მისიაში გაერო-ს მანდატის გახანგრძლივების საკითხიც განიხილება.
