პროექტის “Sputnik. ფაქტები“ ფარგლებში სააგენტო Sputnik-ი ევროპის ქვეყნებში ლტოლვილების მიგრაციის შესახებ მონაცემებს აქვეყნებს. ევროსტატის მონაცემების მიხედვით, ლტოლვილების ყველაზე დიდი ნაკადები არის სირიიდან (73 310 ადამიანი), კოსოვოდან (58 920 ადამიანი) და ავღანეთიდან (39 910 ადამიანი).
როგორც “თბილისი თაიმსს” Sputnik-ის პრესსამსახურიდან აცნობეს, სწორედ ამ ქვეყნებში ატარებდნენ აშშ-ი და მისი მოკავშირეები სხვადასხვა სამხედრო ოპერაციებს.
სააგენტოს ცნობით, ევროსტატის მონაცემები მოწმობს, რომ ევროპაში ლტოლვილების ნაკდი 2008 წლის შემდეგ დაახლოებით სამჯერ გაიზარდა.
მიგრანტების მიმღებ ქვეყნებს შორის ლიდერობენ უნგრეთი, შვედეთი და ავსტრია, რომლებმაც შესაბამისად მიიღეს – 9 929, 5 052 და 3 328 ადამიანი 1 მილიონ ადგილობრივ მოსახლეზე. აღსანიშნავია ის ფაქტი, რომ ლტოლვილთა – 72% არის მამაკაცი, დანარჩენი – 28% კი – ქალი. ყველა ლტოლვილის თითქის ნახევარი (49%) არიან 14–34 წლის ასაკის მამაკაცები, ამ ასაკის ქალები მხოლოდ – 12%–ს შეადგენენ.
ინფორმაციისთვის: საერთაშორისო საინფორმაციო სააგენტოს და რადიოს Sputnik პროექტი, რომლის ფარგლებშიც ქვეყნდება აქტუალური პოლიტიკური და სოციალური თემების შესახებ მონაცემები, დაფუძნებულია ქვეყნებისა და ორგანიზაციების (გაერო, საერთაშორისო სავალუტო ფონდი და ა.შ.) სტატისტიკაზე, მსხვილი კვლევითი ცენტრების პროგნოზებზე.
Sputnik (sputniknews.com) ‒ ახალი ამბების სააგენტო და რადიო მულტიმედიური საინფორმაციო ჰაბებით ათობით ქვეყანაშია. Sputnik მოიცავს საიტებს, ანალოგიურ და ციფრულ რადიომაუწყებლობას, მობილურ პროგრამებსა და გვერდებს სოციალურ ქსელებში.
