იუსტიციის მინისტრ თეა წულუკიანის განცხადებით, თუ აღმოჩნდა, რომ ნინო გვენეტაძის ზოგიერთ იდეას, რომელიმე მოსამართლე არ იზიარებს, მინისტრი მათთან შეხვედრის მზადყოფნას გამოთქვამს.
წულუკიანი მოხარულია, რომ მოსამართლეებს რეფორმებზე და იდეებზე მასთან საუბარი სურთ.
„ჩვენ ყოველთვის, როგორც ავტორი მართლმსაჯულების რეფორმის, ვითვალისწინებდით მათ აზრს. თავის დროზე ეს იყო ბატონი კუბლაშვილის მეშვეობით, ხოლო ბოლო დროს ძალიან ბევრი მოსაზრება ჩვენ ჩვენს რეფორმაში გავითვალისწინეთ, რომელიც ქალბატონ ნინო გვენეტაძისგან მომდინარეობდა. ახლა თუ აღმოჩნდა, რომ ქალბატონი ნინოს ზოგიერთ იდეას რომელიმე მოსამართლე არ იზიარებს და სურს ავტორთან შეხვედრა, მზად ვარ მათთან შესახვედრად, იქნება ეს დღეს, ხვალ თუ კვირის ბოლომდე, რადგან ბევრი დასაკარგი დრო არ გვაქვს შევხვდეთ, გავიაროთ ყველა რეფორმა. მე მიხარია, რომ მათ იდეებზე, რეფორმებზე საუბარი სურთ. რეფორმა ვერ გადარჩება, თუ ერთად არ ვიმსჯელეთ მასზე“, – განაცხადა წულუკიანმა.
შეგახსენებთ, რომ მოსამართლეები იუსტიციის მინისტრთან შეხვედრას ითხოვენ და აცხადებენ, რომ უზენაესი სასამართლოს თავმჯდომარის მიერ მიცემული პირობების დაცვა არ ხდება.