TI Georgia-ს გათვლებით, რეკლამებზე გაწეულმა მთლიანმა ხარჯმა 2012 წელს დაახლოებით $54 მილიონი შეადგინა. ამ თანხაში შედის პოლიტიკური პარტიების მიერ რეკლამაზე დახარჯული მინიმუმ $8 მილიონიც, აღნიშნავს ეს არასამთავრობო ორგანიზაცია.
როგორც TI Georgia აღნიშნავს, სარეკლამო დანახარჯების ყველაზე დიდი ნაკადი – 72% კვლავ სატელევიზიო სექტორში მიედინება. ამ თანხების თითქმის 95% კი თბილისში დაფუძნებულ ტელევიზიებზე მოდის.
სარეკლამო დანახარჯების 11% – გარე რეკლამაზე, ხოლო 10% – რადიოზე, 5% კი – პრესაზე მოდის. ინტერნეტ რეკლამის წილი, ზრდის ტენდენციების მიუხედავად, 2%-ს შეადგენს ($1.5 მილიონზე).
მედიასაშუალებებმა უნდა ეცადონ დახვეწონ ბაზრის კვლევის მეთოდები და გამოკვეთონ რეკლამის დადებითი ზეგავლენა ბიზნესებზე, რაც სარეკლამო დანახარჯების ზრდას შეუწყობს ხელს, აცხადებს TI Georgia.
ცნობისთვის, 2010-2011 წლებში სარეკლამო ბაზრის მოცულობა: $43-46 მილიონი იყო.
01.07.13
