“სამწუხაროდ, ჩვენს რეალობაში ხშირად ვხვდებით პირადი მიზნებისთვის სხვა ადამიანების გამოყენების შემთხვევებს,” – ასე ეხმაურებიან ფსიქოლოგები “რუსთავი 2”- ის პროექტში – “ნიჭიერი” მომხდარ ინციდენტს, რომელიც ჟანა წითელაურს შეეხება.
“გვინდა გამოვეხმაუროთ სამაუწყებლო კომპანია “რუსთავი 2”- ის პროექტში – “ნიჭიერი” მომხდარ ინციდენტს, რომელიც შეეხება ქ-ბ ჟანა წითელაურს. სამწუხაროდ, ჩვენს რეალობაში ხშირად ვხვდებით პირადი მიზნებისთვის სხვა ადამიანების გამოყენების შემთხვევებს. შეგვიძლია ვთქვათ, რომ ადამიანებით მანიპულირება წარმატების მიღწევის ერთ-ერთ წამყვან გზად იქცა. პირველ რიგში, ჩვენ ზუსტად არ ვიცით ჰქონდა თუ არა ადგილი მანიპულაციას (სოციალურ ქსელში გავრცელებული ჟანა წითელაურის მეგობრის კომენტარი არ გვაძლევს ამის მტკიცების საფუძველს), მეორე, არ შეგვიძლია დადასტურებით ვთქვათ ისიც, რომ ქ-ნი ჟანა ფსიქიკურად არაჯანმრთელია. იყო არაადეკვატური, არ ნიშნავს იყო ფსიქიკურად არაჯანმრთელი. (ჩვენ ყველა ვართ რიგ სიტუაციებში არაადეკვატურები.). ნებისმიერ შემთხვევაში, ჟანამ, როგორც ამ ”შოუს” ერთ-ერთმა მოანწილემ მიიღო გადაწყვეტილება, გააკეთა პირადი არჩევანი და გამოვიდა კონკურსზე. ეს მისი კანონიერი უფლება იყო. თუკი მას, მართლაც ჰქონდა ფსიქიკურ ჯანმრთელობასთან დაკავშირებული პრობლემები, – ვერ აღიქვამდა ადექვატურად შექმნილ რეალობას და ნამდვილად ხდებოდა მასთან ვიზიტები მთელი ზაფხულის განმავლობაში (როგორც ამას მისი მეგობარი გვატყობინებს), ვფიქრობ, ყველა ჩვენგანმა უნდა გაიაზროს მსგავსი შემთხვევები და პასუხისმგებლობა აიღოს. მეზობელი ხარ, მეგობარი, პროექტის ხელმძღვანელი, შოუს წამყვანი, თუ ნებისმიერი სხვა – თუკი გიჩნდება კითხვა (ეჭვი), რომ ადამიანს უჭირს, ფსიქიკური პრობლემები აქვს და შენი აზრით, არ შეუძლია გადაწყვეტილების დამოუკიდებლად მიღება, საქმის კურსში ჩააყენე მისი ახლობელი, ოჯახის წევრი, მეურვე… აიღე პასუხისმგებლობა და ამით დაეხმარე ასეთ ადამიანს. ნებისმიერი ადამიანი, განსაკუთრებით კი ფსიქიკური პრობლემების მქონე პირები მაქსიმალურად უნდა დავიცვათ დაცინვისა და შეურაცხყოფისგან. რადგან ამგვარი ქცევით არის ალბათობა იმისა, რომ მას განუვითარდეს სტრესი, ვინაიდან როდესაც ადამიანს უქმნი განწყობას, რომ იგი არის საუკეთესო და მას შეუძლია გამარჯვება შემდგომ კი უარის თქმა და გასტუმრებაა იწვევს ადამიანში იმედგაცრუებას რომელმაც იგი შეიძლება ფატალურ შედეგებამდეც კი მიიყვანოს. ამ ყველაფრის თავიდან აცილება კი ჩვენი პასუხიხისმგებლობის გაცნობიერებით და სწორი არჩევანის გაკეთებით შეიძლება. იმ შემთხვევაში თუ ქ-ბ ჟანა თავისი სურვილით მივიდა ჩაწერაზე და განაცხადა თანხმობა ყველანაირ სიმღერაზე, მაშინ ჩნდება ეჭვი, რომ “რუსთავი 2”- მა შეგნებულად პრომოშიც კი გააჩინა ქ-ბ ჟანას ფსიქიკური მდგომარების შესახებ ეჭვი. რითაც საზოგადოებას კიდევ ერთხელ დაანახა შემდგომ ჟიურიმ, რომ ადამიანის დაცინვა წახალისებულია და არ ხდება ინდივიდის შემდგომი რეაქციის გათვალისწინება. ქ-ბ ჟანა მარტო რა თქმა უნდა ვერ შეძლებდა იმ რეკვიზიტების მოძიებას რაც შოუში ვნახეთ. შესაბამისად, კიდევ ერთხელ მკაფიოდ ჩანს “რუსთავი 2″- ის ხელშეწყობა ნომრის განხორციელებაში. მათ კი, რათქმა უნდა წინასწარ იცოდნენ საზოგადოების რეაქცია. შესაბამისად, რეიტინგის გამო მოხდა ადამიანის გამოყენება, ნებსით თუ უნებლიედ. აქვე მოვუწოდებთ უფლებადამცველებს დაინტერესდნენ ამ შემთხვევით. საზოგადოების მაღალი ინტერესიდან გამომდინარე, საზოგადოებას მოვუწოდებთ, რომ ყურადღებით მოვეკიდოთ თანაგრძნობის გამოხატვასაც, ვინაიდან ზედმეტი თანაგრძნობითაც შეგვიძლია ადამიანი ჩავაყენოთ სტრესულ მდგომარეობაში,” – ნათქვამია ცენტრის მიერ გავრცელებულ განცხადებაში.
“დავითიანნის” ფსიქოლოგიის ცენტრის გუნდი.
