“საქართველოს რკინიგზის” გენერალური დირექტორის მამუკა ბახტაძის განცხადებით, შემოვლით რკინიგზასთან დაკავშირებით ინფორმაცია საჯარო მომდევნო ერთი კვირის ვადაში გახდება ცნობილი.
ბახტაძის თქმით, რკინიგზა დედაქალაქის მერიის გადაწყვეტილებას ელოდება.
“შემოვლით რკინიგზასთან დაკავშირებით ერთი კვირის ვადაში გვექნება მნიშვნელოვანი სიახლე. გვაქვს კონსულტაციები მერიასთან, წარდგენილია პროექტი და იმედია ერთი კვირის თავზე უკვე უფრო დეტალურად გეტყვით ამის შესახებ. გვაქვს ვარიაციები, არის სამი ვარიანტი, ჩვენი მხრიდან სამივე მისაღებია და ველოდებით გადაწყვეტილებას მუნიციპალიტეტის მხრიდან”, – განაცხადა ბახტაძემ.
