ჯანდაცვის სამინისტროს განცხადებაში აღნიშნულია, რომ ვირუსული გრიპის მქონე პაციენტებისათვის ყველა ამბულატორიული დაწესებულება ჩვეულ რეჟიმში მუშაობს.
სამინისტროს რეკომენდაციით, ვირუსული გრიპის ინფექციის სიმპტომების გამოვლენის შემთხვევაში, პირველ რიგში დაავადებულებმა უმჯობესია ოჯახის ექიმს მიმართონ, რომელიც მათ როგორც სამედიცინო დაწესებულებებში, ასევე ბინაზე მოემსახურება.
“როდესაც თვლით, რომ ვირუსული გრიპის ინფექციის გართულებასთან დაკავშირებით გესაჭიროებათ სასწრაფო სამედიცინო დახმარება, მხოლოდ მაშინ დარეკეთ 112-ში, სადაც დახმარებას გაგიწევენ როგორც სასწარფო სამედიცინო პერსონალი, ასევე დამატებით 24 საათიან რეჟიმში მომუშავე მორიგე საოჯახო მედიცინის ცენტრები. 24 საათიან რეჟიმში მომუშავე საოჯახო მედიცინის ცენტრები ღამის საათებში ემსახურება მხოლოდ ვირუსული გრიპის ინფექციის მქონე პაციენტებს”, – აღნიშნულია სამინისტროს განცხადებაში.
უწყების ინფორმაციით, თბილისში 24 საათიან რეჟიმში შემდეგი მორიგე საოჯახო მედიცინის ცენტრები იმუშავებენ:
1. კლინიკა „მედსი“ – მისამართი: ქიაჩელის ქ.18
2. აკადემიკოს ნ. ყიფშიძის სახელობის საუნივერსიტეტო კლინიკა (რესპუბლიკური საავადმყოფო) – მისამართი: ვაჟა-ფშაველას გამზ. 29
3. „მედკაპიტალი“ – გლდანი – მისამართი: ი. ვეკუას ქ.18
4. საოჯახო მედიცინის ეროვნული სამედიცინო ცენტრი – წინამძღვრიშვილის ქ. #5
Discussion about this post