დღეს, 2016 წლის 2 თებერვალს, სასტუმრო თბილისი მარიოტში, 19:00საათზე ათასწლეულის გამოწვევის ფონდი და მასწავლებელთა პროფესიული განვითარების ეროვნული ცენტრი მართავს „მასწავლებელთა და სკოლის დირექტორთა პროფესიული განვითარების პროექტის“ პრეზენტაციას.
რგორც “თბილისი თაიმსს” ფონდიდან აცნობეს, აღნიშნული პროექტი არის ათასწლეულის გამოწვევის კორპორაციის (MCC) 140 მილიონი აშშ დოლარის მეორე კომპაქტის ერთ-ერთი კომპონენტი, რომელიც ხორციელდება ათასწლეულის გამოწვევის ფონდი – საქართველოს მასწავლებელთა პროფესიული განვითარების ეროვნულ ცენტრთან თანამშრომლობით.
ღონისძიებას გახსნიან: მაგდა მაღრაძე, ათასწლეულის გამოწვევის ფონდის აღმასრულებელი დირექტორი; თამარ სანიკიძე, საქართველოს განათლებისა და მეცნიერების მინისტრი; ფატიმა სუმარი, ათასწლეულის გამოწვევის კორპორაციის ვიცე პრეზიდენტის მოადგილე; გიორგი მაჩაბელი, მასწავლებელთა პროფესიული განვითარების ცენტრის დირექტორი.