სამართალდამცველებმა, ნაოსნობის წესების დარღვევის ფაქტზე, ფოთის საზღვაო ნავსადგურში საქართველოს დროშით მცურავი ორი თევზსაჭერი სეინერი “KOROGLU BALIKCILIK” და “TRABZON SU URUNLERI-1” დააკავეს.
შინაგან საქმეთა სამინისტროს ინფორმაციით, გემის კაპიტნებს ბიუჯეტის სასარგებლოდ დაეკისრათ ჯარიმა – 50 000 ლარის ოდენობით. საქმის წარმოება ნაოსნობის წესების დარღვევის ფაქტზე დაიწყო .
გამოძიებას სასაზღვრო პოლიციის საგამოძიებო-ოპერატიული მთავარი სამმართველო აწარმოებს.
